Deputetja e Lëvizjes Vetëvendosje, Fjolla Ujkani, thotë se partia e saj po bënë përpjekje maksimale për t’i formuar institucionet e vendit.
“Ne kemi bërë përpjeke të mëdha për ta zgjedhur kryetarin e Kuvendit dhe më pas institucionet e tjera. Ne i kemi numrat, por ne po bëjmë përpjekje maksimale që ti evitojmë zgjedhjet e reja. Ne do të bëjmë përpjekjet maksimale për t’i krijuar institucionet”, ka thënë Fjolla Ujkani për emisionin “Mesditë” në Tëvë1.
Tutje, Ujkani tha se partia e saj nuk e ka durimin e botës për t’i pritur liderët e opozitës.
“As ne nuk e kemi durimin e botës dhe nuk mund t’i dëgjomë teket e lidëve të opozitës, të cilët po ndërrojnë mendime shumë shpesh. Duhet parë rrugë të tjera dhe duhet bërë strategji të reja. Shpresoj se do të gjendet sa më parë një zgjidhje. Tashmë jemi në rrethana të jashtëzakonshme”, vlerësoi Fjolla Ujkani.
