Sa herë që përmendet emri i Cristiano Ronaldo-s përbën lajm dhe tërheq jashtëzakonisht shumë vëmendje.
Paris Saint-Germain duket se nuk ruan të njëjtën linjë, kjo pasi parizienët, siç raportojnë mediet franceze kanë refuzuar nënshkrimin me portugezin.
Agjenti i CR7, Jorge Mendes kishte kontaktuar drejtuesit francez duke i ofruar Ronaldo-n si një alternativë te mundshme këtë merkato, pasi Cristiano kërkon të luajë në Champions League, gjë që Man. United nuk ia mundëson.
Përgjigjia e parizienëve (sipas medieve në Francë) ka qenë e prerë dhe e menjëhershme, me klubin e PSG që nuk sheh këtë moment dhe merkato si të duhurin për të transferuar në Paris një lojtar si Ronaldo.
Arsyeja kryesore është se portugezi kërkon shifra të çmendura në kontratë dhe për momentin klubi francez ka “dhimbje koke” kur bëhet fjalë për pagat.
Gjithësesi gjithçka mund të ndodh, por si?
Klubi ka një mbingarkesë në organikë dhe trajneri i ri Galtier ka bërë me dije se janë disa lojtarë që nuk bëjnë pjesë në planet e tij dhe do të largohen. Në “treg” është edhe Neymar dhe nëse gjithçka sistemohet, Ronaldo mund të gjejë “rrugën” e duhur për të luajtur te PSG, përkrah “rivalit” Messi dhe Mbappe.
