Tre zyrtarë policorë janë sulmuar në dy raste të ndara në Vushtrri dhe Skenderaj, gjatë intervenimeve policore.
Sipas raportit 24-orësh të Policisë, rasti i parë ka ndodhur në Vushtrri, ku një i dyshuar ka sulmuar dhe kanosur zyrtarët policorë gjatë arrestimit.
Dy zyrtarë policorë kanë pranuar tretman mjekësor.
“Është arrestuar i dyshuari mashkull kosovar pasi që, i njëjti gjatë arrestimit ka sulmuar dhe kanosur zyrtarët policorë. Dy zyrtarë policorë kanë pranuar tretman mjekësor. Me vendim të prokurorit, i dyshuari pas intervistimit është liruar në procedurë të rregullt”, thuhet në raportin e Policisë.
Ndërkaq, rasti i dytë është raportuar në Skenderaj, rreth orës 20:00.
Sipas Policisë, një i dyshuar nuk ka respektuar urdhrat e zyrtarëve policorë dhe më pas i ka sulmuar fizikisht ata.
Si pasojë e sulmit, një zyrtar policor ka pësuar lëndime dhe ka marrë trajtim mjekësor.
“Është arrestuar i dyshuari mashkull kosovar pasi që, nuk ka respektuar urdhrat e zyrtarëve policorë si dhe ka sulmuar fizikisht ata. Një zyrtar policor ka pësuar lëndime dhe ka marrë tretman mjekësor. Me vendim të prokurorit i dyshuari është dërguar në mbajtje”, thuhet në raport./teve1.info/
