Deputeti i zgjedhur i Lëvizjes Vetëvendosje, Nezir Kraki, vlerëson se nuk është bërë asnjë shkelje kushtetuese që nuk është bërë konstituimi i Kuvendit të Republikës së Kosovës ditën e sotme.
“30-ditëshi im si deputet ka filluar dje. Kushtetua mua si deputet duhet të mi sigurojë edh 29 ditë për ta gjetur mënyrën që ta zgjedhim konstituimin e Kuvendit”, ka thënë Nezir Kraki në emisionin “Këndi i Debatit” në Tëvë1.
“Nuk ka nevojë që të alarmohemi sonte nuk përfundon afati për konstituimin e Kuvendit. Në seancën e nesërme do të kërkohet afat shtesë”, shtoi Kraki.
Ai e komentoi edhe çështjen për zgjedhjen e presidentit, aty ku është bërë bllokada mes Lëvizjes Vetëvendosje dhe Lidhjes Demokratike të Kosovës.
“Opozita nuk mund ta ketë presidentin. Fituesi i zgjedhjeve është shumë i qartë. Gatishmira jon është për president apolitik. Pres që në ditët që vijnë të ketë më shumë konstruktivitet. Nuk mund të parashikoj sonte asgjë”, ka vlerësuar Nezir Kraki.
Edhe pse afati kushtetues për seancën konstituive të Kuvendit përfundon sonte, vazhdimi i saj është caktuar për të shtunën e 8 gushtit.
Seanca konstituive e Kuvendit të Kosovës do të vazhdojë të shtunën në ora 11:00.
Njoftimi i Kuvendit ka nxitur reagime të shumta.
