Një person i kërkuar nga Policia e Kosovës, i dënuar me 8 muaj e gjysmë burgim efektiv për veprën penale “Vjedhje”, është arrestuar të premten në Prizren.
Sipas njoftimit të Policisë, i arrestuari M.K., është lokalizuar dhe arrestuar nga njësiti për realizimin e urdhëresave të Stacionit Policor Prizren, pas veprimeve operative-hetimore.
M.K. ishte në kërkim pasi ndaj tij ishte shqiptuar dënimi me 8 muaj e gjysmë burgim efektiv, me vendim të plotfuqishëm të Gjykatës Themelore të Prizrenit.
Ai është dënuar për veprën penale “Vjedhje”.
Pas arrestimit, i njëjti është shoqëruar fillimisht në Stacionin Policor Prizren dhe më pas është dërguar në institucionin korrektues për vuajtjen e dënimit.
“Policia mbetet e përkushtuar në zbatimin e ligjit dhe garantimin e sigurisë publike, duke ndërmarrë veprime të vazhdueshme për identifikimin dhe arrestimin e personave të kërkuar, si dhe për parandalimin e veprave penale që cenojnë shëndetin dhe mirëqenien e qytetarëve”, thuhet në njoftimin e Policisë së Kosovës.
