Kryeministri i Sri Lankës ka shpallur gjendje të jashtëzakonshme në të gjithë vendin, ndërsa protestuesit dolën në rrugët e kryeqytetit tregtar Colombo, disa orë pasi presidenti Gotabaya Rajapaksa u largua nga vendi për në Maldive.
Mijëra protestues kanë shkuar drejt zyrës së Kryeministrit në Rrugën e Luleve – rreth 20 minuta në këmbë larg qendrës kryesore të protestës Galle Face Green.
Kryeministri, Ranil Wickremesinghe kishte thënë se do të tërhiqej sapo të krijohet një qeveri e përkohshme gjithëpartiake pas largimit të zotit Rajapaksa, raporton CNN, transmeton teve1.info
Por shumë Sri Lankas duan që ai të largohet menjëherë.
Kjo ndodh sepse sapo z. Rajapaksa të largohet, sipas kushtetutës së Sri Lankës, zoti Wickremesinghe do të bëhej automatikisht ushtrues detyre i presidentit për 30 ditë.
Kryeministri, Ranil Wickremesinghe gjithashtu udhëzoi Ministrinë e Mbrojtjes që të vendoste një shtetrrethimi në të gjithë Colombo dhe pjesën tjetër të provincës perëndimore të vendit pasi policia hodhi gaz lotsjellës mbi turmat jashtë zyrës së kryeministrit, tha një zyrtar i ministrisë për CNN.
Zyrtari i ministrisë, i cili nuk dëshironte të identifikohej, tha se Wickremesinghe urdhëroi që “personat e padisiplinuar dhe ata që udhëtonin me kamionë të arrestoheshin”.
Rajapaksa dhe gruaja e tij fluturuan për në Malé, në Maldive, me një aeroplan transporti trupash AN32 nga Forcat Ajrore të Sri Lankës, sipas një zyrtari të lartë të sigurisë, pak para se ai të jepte dorëheqjen.
