Zëdhënësi i Ministrisë së Jashtme të Iranit, Esmail Baghaei, ka thënë se një marrëveshje mbi Ngushticën e Hormuzit me Omanin , i cili ndodhet në anën tjetër të rrugës ujore, është në “fazën përfundimtare” të hartimit, raporton Al Jazeera.
Të enjten, Teherani tha se kishte rënë dakord me Omanin për koordinatat për rrugët e reja të transportit detar përmes ngushticës.
Ngushtica është thelbësore për transportin detar global dhe furnizimin me energji.
Zëdhënësi i Ministrisë së Punëve të Jashtme iraniane, Esmaeil Baghaei, tha se bisedimet në Oman kanë qenë “pozitive” dhe po vazhdojnë, megjithëse gazeta iraniane Sepah News citoi një zyrtar të thoshte se kërcënimet ushtarake amerikane mbeten pengesa kryesore për arritjen e një marrëveshjeje.
Presidenti i SHBA-së, Donald Trump, mbajti një ton optimist të martën në mbrëmje, duke u thënë gazetarëve se negociatat me Iranin “po ecnin shumë mirë”.
Ndërkohë, Irani vazhdon të mohojë se ka zhvilluar bisedime të drejtpërdrejta me Uashingtonin. Zyrtarët e tij kanë këmbëngulur se po zhvillohen diskutime me Omanin se si të menaxhohet Ngushtica e Hormuzit.
Omani, ujërat territoriale të të cilit kalon edhe ngushtica, ka vepruar prej kohësh si ndërmjetës midis dy vendeve.
