Policia e Kosovës, përkatësisht Drejtoria e Policisë së Kryeqytetit – Sektori i Hetimeve ka arrestuar një 18-vjeçar, i dyshuar për kryerjen e veprës penale “Lëndim i rëndë trupor”.
Sipas njoftimit të Policisë, rasti kishte ndodhur më 16 korrik 2026 në Hajvali të Prishtinës, ku si pasojë e një incidenti një person kishte pësuar lëndime të rënda trupore.
“Si rezultat i veprimeve intensive hetimore dhe operative, është arritur identifikimi dhe arrestimi i të dyshuarit R.G., 18 vjeç”, thuhet në njoftimin e Policisë.
Pas intervistimit, me vendim të prokurorit të shtetit, të dyshuarit i është caktuar masa e ndalimit për 48 orë, ndërsa hetimet lidhur me rastin janë në vazhdim./teve1.info/
