Sipas tij, duhet të gjendet një zgjidhje morale dhe ligjore sa i përket çështjes së veteranëve të luftës.
“Është mirë me mujtë me e gjetë një kompromis, jo me protesta por duhet me e gjetë një zgjidhje sepse ka mundësi me bo zgjidhje edhe nuk duhet me pa në aspektin material, duhet me bë një zgjidhje edhe morale edhe ligjore dyjat”, tha Haradinaj në Tëvë1.
Ish- pjesëtari i Ushtrisë Çlirimtare të Kosovës theksoi se veteranit i’a jep statusin koha e shërbimit në luftë.
Teksa shtoi se gabimet në Ligjin e vetaranëve nuk janë studiuar mirë.
“Kur është bërë ligji i parë në 2014 dmth është bërë gabim, kur është bërë ndarja e kategorive është bërë gabim. Nëse e shihni Ligjin e fundit që është në fuqi është 270 euro paga e veteranit. Unë edhe në parlament ju kam thënë koha e shërbimit në luftë ta jep statusin e veteranit ose pjesëmarrësit sa vite ke shërbyer, është logjike. Nuk mund ti thuash veteran një personi që hyri në UÇK ditën e fundit, jo ai që e nisi luftën. Këto kan qenë gabimet që nuk janë studiuar mirë”, shtoi ai.
Kryeministri Kurti,ka paralajmëruar proces të pastrimit të listave.
Ndryshe me Projektligjin për pagën minimale Qeveria ka lënë jashtë veteranët e UÇK-së, gje e cila ka nxitë reagime nga ta./teve1.info./
