Në fshatin Kalludër e Vogël të Zubin Potokut kanë vazhduar edhe sot gërmimet në kërkim të mbetjeve të tjera mortore dhe për identifikimin e atyre që tashmë janë gjetur në këtë zonë.
Ekipet kompetente po vazhdojnë punën në terren për mbledhjen e të dhënave dhe zbardhjen e rrethanave lidhur me mbetjet mortore të zbuluara.
Procesi pritet të kontribuojë në identifikimin e personave që mund të jenë viktima të luftës së fundit në Kosovë, ndërsa rezultatet përfundimtare pritet të bëhen të ditura pas përfundimit të procedurave përkatëse.
