Sot, euro u barazua në vlerë me dollarin.
Rreth mesditës së sotme, një euro vlente një dollar, pas një rënie graduale gjatë vitit të kaluar dhe një rënie më të madhe të vlerës që nga fundi i qershorit.
Ndërkohë, dje, sipas shifrave zyrtare, euro kundrejt dollarit ra në 1,0053, niveli i saj më i ulët që nga 6 dhjetori 2002.
Indeksi i dollarit, që përdoret për të matur vlerën e dollarit amerikan kundrejt një shporte prej gjashtë valutash të huaja që përfshijnë paundin, euron, frangën zvicerane, jenin, dollarin kanadez dhe kronën suedeze, u rrit për 1,1 për qind në 108,19 duke regjistruar një nivel të ri rekord 20-vjeçar.
Rezerva Federale e SHBA-së ka fituar gjithsej 150 pikë bazë rritje të normës që nga muaji mars për të zbutur inflacionin rekord duke e çuar indeksin e dollarit më lart.
Nga ana tjetër, Banka Qendrore Evropiane (ECB) nuk ka bërë ende një ndryshim në normat e interesit.
ECB-ja pritet të bëjë një rritje të normës prej 25 pikë bazë më 21 korrik, ndërsa Rezerva Federale e SHBA-së pritet të rrisë normat në mënyrë agresive me 75 pikë bazë më 27 korrik.
Lufta në Ukrainë vazhdon të përbëjë rrezik për eurozonën, ndërsa Gjermania, ekonomia më e madhe e bllokut evropian, potencialisht përballet me një ndalim të përhershëm të rrjedhës së gazit natyror rus.
Ashtu si ekonomia amerikane, edhe ajo evropiane janë zhytur në frikën e recesionit./kp
