Lajmi është konfirmuar edhe nga burimet brenda Policisë së Kosovës, të cilët në kushte anonimiteti kanë thënë për tëvë1 se kanë zbatur një vendim të Ministrisë së Punëve të Jashtme dhe Diasporës, për ta ndalur Petar Petkoviq, që të hyjë në Kosovë.
Petkoviq, kishte planifikuar që të marrë pjesë në përurimin e një sheshi në Gjilan, i cili është financuar nga qeveria e Serbisë.
Se nuk i është lejuar hyrja në Kosovë, e ka thënë edhe vetë Petkoviq, në një deklaratë për “Kosova Online”.
Petkoviq ka konfirmuar për këtë media se është kthyer mbrapsht në kufi, derisa ishte nisur që të merrte pjesë në përurimin e një sheshi në një fshat të banuar me serbë në Gjilan.
Tëvë1 ka provuar që të marrë detaje nga Ministria e Punëve të Jashtme dhe Diasporës, por që deri më tani kanë qenë të paqasshëm.
