Nënkryetari i Lëvizjes Vetëvendosje, Glauk Konjufca ka thënë se sheh vullnet më të sinqertë nga partitë opozitare që mos të ketë zgjedhje të reja.
Ai ka thënë se pas zgjedhjeve të dhjetorit kishte një pozicionim për bllokadë nga partitë opozitare.
Konjufca të hënën në një konferencë për media pas takimit me ministrin për Evropë të Francës, ka thënë nga partitë opozitare te LDK ka gatishmëri më të lartë për bashkëpunim, ndërsa PDK sic tha ai ka mbetur në pozicionet e vjetra
“Vullneti i opozitës për të mos shkuar në zgjedhje këtë herë duket se është më e sinqertë. PDK qëndron në pozicionet e vjetra. Te LDK ka një gatishmëri më të lartë për bashkëpunim. Dhe unë mendoj që opsionet që dalin në tavolinë për një marrëveshje janë në përpjesëtim me vullnetin, sa më i madh vullneti për bashkëpunim rriten opsionet për me gjetur zgjidhje”, është shprehur Konjufca, raporton teve1.info.
Ai ka thënë se tash duhet të priten zhvillimet e brendshme në LDK, për të cilat ai ka thënë se atyre nuk ju takon të merren dhe nuk duan të ndryjnë në çështjen e brendshme të kësaj partie.
