Është kjo sera që 24 orë më parë ishte e mbushur e tëra me lule.
Por për pak orë mbrëmjen e së martës, e njëjta u shkatërrua tërësisht.
Reshjet e mëdha të shiut e erërat e forta e bartën atë disa metra tutje, duke e hedhur mbi kulmin e kësaj shtëpie në Gjinoc të Suharekës.
I zhgënjyer me atë se çfarë ndodhi është pronari i kësaj sere, i cili thotë se lulishten e kanë biznes nga i cili përfitojnë.
E dëmet sipas Jetmir Gashit, kapin vlerën e mijëra eurove.
“Vetëm sera, konstruksioni edhe najloni deri diku më ka kushtu 21 mijë euro. Kjo serë u ble para 4 vitesh…total vlera e këtij dëmi vetëm të kësaj sere është diku 25 mijë euro. Edhe një 2 mijë euro janë domethënë najlonat e kësaj seres tjetër i ka dëmtuar, 27 mijë euro. Pa i llogaritur sendet e tjera që i ka dëmtu”, u shpreh ai.
Poshtë serës së rrëzuar, ende nuk dihet shkalla e plotë e dëmeve.
Pronari i shtëpisë thotë se po presin largimin e serës, për të parë pasojat.
“Përveç kësaj pjesës sa kemi mundur me pa, se pa u largu sera nuk mundemi me e pa gjendjen komplet qysh është, por ka disa prishje në alt që i ka bërë, qeramidat e thyer, pjesën e drenazhit të ujit e ka dëmtuar. Edhe një përmbi e ka kapur, është e lagur, nuk e di a është funksionale ajo brenda”
Stuhia nuk kurseu as objektet publike.
Kulmi i kësaj shkolle po në këtë fshat u hoq nga vendi.
Edhe këtu, dëmet konsiderohen të jenë mjaft të mëdha.
“Kanë ardhur edhe komisionet sot kanë qenë prapë, kanë bërë vlerësimin e tyre, tash po presim përgjigjet prej tyre.Është pjesa e kulmit, dëmtime jashtë në oborr ka pasur edhe brenda në shkollë janë disa dyer të dëmtuara, normal prej erës”, thotw drejtoresha e shkollws “Migjeni”, Vlora Berisha.
Ndërkohë, Komuna e Suharekës ka nisur evidentimin e dëmeve në terren.
“Kemi krijuar tri komisione për vlerësimin e dëmeve. Një komision e bën në arsim, pasi që kemi disa shkolla, domethënë që duhet përnjëherë të merren masa se afër është 1 shtatori. Komisionin për bujqësi edhe komisionin për shërbime publike që kanë dalë në terren me bë evidentimin e dëmeve…dëmet janë të mëdha, po mund të theksojmë fatin në fatkeqësi që nuk kemi pasur dëme në njerëz”, u shpreh kryetari i komunws, Bali Muharremaj.
Reshjet intensive të shiut që nga e hëna, kanë shkaktuar dëme edhe në pjesë të tjera të vendit.
