Lionel Messi është shpallur lojtari më i mirë i Kupës së Botës 2026 nga Federata Ndërkombëtare e Historisë dhe Statistikave të Futbollit (IFFHS), duke marrë çmimin më të lartë individual të kësaj organizate për paraqitjet e tij gjatë turneut.
Sipas IFFHS-së, fituesi është përcaktuar përmes një sistemi të detajuar vlerësimi që merr parasysh notat e ndeshjeve, golat, asistimet dhe ndikimin në fazën eliminatore. Pas analizës së të gjitha paraqitjeve në Botërorin 2026, Messi doli lojtari me indeksin më të lartë të performancës.
Kapiteni i Argjentinës zhvilloi shtatë ndeshje në turne, duke luajtur 626 minuta. Ai realizoi tetë gola dhe dhuroi katër asistime, duke kontribuar drejtpërdrejt në 12 gola të kombëtares së tij. Mesatarja e vlerësimit të tij sipas IFFHS-së ishte 8.33.
IFFHS theksoi se sistemi i saj i vlerësimit i kushton rëndësi të veçantë ndeshjeve të fazës eliminatore, ku ndikimi i Messit ishte vendimtar në rrugëtimin e Argjentinës deri në finale. Sipas federatës, çmimi është bazuar tërësisht në të dhënat statistikore dhe performancat e regjistruara gjatë turneut.
Ky është një tjetër vlerësim prestigjioz në karrierën e Lionel Messit, i cili edhe në moshën 39-vjeçare vazhdoi të ishte një nga futbollistët më dominues në skenën botërore.
