Me shtimin e numrit të mërgimtarëve që po vijnë në Kosovë për pushimet verore, është rritur edhe fluksi i automjeteve në pikat kufitare, duke shkaktuar pritje më të gjata në disa prej tyre.
Sipas të dhënave të fundit, pritjet më të gjata janë regjistruar në pikën kufitare të Jarinjës, ku kolona e automjeteve në hyrje të Kosovës arrin deri në 500 metra.
Edhe në pikën kufitare Dheu i Bardhë janë shënuar pritje të shtuara. Në hyrje të Kosovës pritjet zgjasin deri në 20 minuta, ndërsa në dalje deri në 30 minuta.
Në Muçibabë, kolona në hyrje është rreth 100 metra, me pritje deri në 20 minuta.
Ndërkohë, në pikat e tjera kufitare qarkullimi po zhvillohet normalisht, me pritje të zakonshme prej 3 deri në 5 minutash.
