Autor: Edison Osmani
Kjo urë në fshatin Nedakovc të Vushtrrisë shërben si lidhje për disa fshatra drejt tokave bujqësore.
Pas shembjes së saj, bujqve po u duhet t’i përshkojnë disa kilometra më shumë për të arritur te tokat e punës.
Bujku Nexhat Spahiu tregon se kjo urë kishte pasur probleme edhe muaj më parë dhe së bashku me bashkëfshatarët kishin njoftuar autoritetet përkatëse për gjendjen e saj.
“Rrënimi i kësaj ure ka ndodhur dje, rreth orës 11 ose 12, mirëpo shtyllat e saj ishin dëmtuar më herët. Gjatë dimrit i kishte bartur uji dhe ura kishte filluar të lakohej. Kemi bërë kërkesë te kryetari, por na tha se nuk ka mundësi të ndërhyjë dhe na sugjeroi të provojmë me KFOR-in francez”, tha Spahiu.
Sipas Spahiut, mbi 200 hektarë tokë të punueshme kanë mbetur pa qasje pas shembjes së urës.
Ndërsa dhe kjo formë e kalimit nëpër ujë nuk ofron zgjidhje, sipas tij. Bujqit detyrohen të bëjnë kilometra të tërë për të pasur qasje në tokat e tyre.jie, sipas tij. Bujqit detyrohen të bëjnë kilometra të tërë për të pasur qasje në tokat.
“Kur të vijë koha për t’i nxjerrë patatet, nuk mund të kalojmë me ngarkesë dhe as me rimorkio. Tani detyrohemi të shkojmë nga ura te Llamarinat, në drejtim të Vushtrrisë, që është rreth 3 kilometra larg, ose nga Pestova. Mirëpo edhe andej ka shumë komunikacion dhe është e vështirë të qarkullohet me traktor në ditët e sotme”, tha Spahiu.
Ndërkaq, lidhur me këtë rast, Teve1 i ka dërguar një shkresë Komunës së Vushtrrisë, mirëpo deri në momentet e publikimit të kësaj storie nuk ka marrë asnjë përgjigje.
Pas shembjes së urës në Nadakovc, bujqit tani detyrohen të bëjnë kilometra shtesë për të arritur në arat e tyre. Ata thonë se rreziku ishte paralajmëruar muaj më parë.
