Policia e Kosovës ka iniciuar një rast për veprën penale “Rrezikim i sigurisë së aviacionit civil”, i cili dyshohet të ketë ndodhur në fshatin Janjevë, komuna e Lipjanit.
Sipas raportit 24-orësh të Policisë së Kosovës, ngjarja dyshohet të ketë ndodhur më 13 korrik 2026, rreth orës 21:50, ndërsa rasti është iniciuar zyrtarisht më 16 korrik, pas pranimit të informatës dhe konsultimit me prokurorin kompetent.
Në raportin policor thuhet:
“Fsh. Janjevë, Lipjan, 13.07.2026 – 21:50. Më 16.07.2026, në konsultim me prokurorin, është iniciuar rasti i lartcekur, pasi që policia kishte pranuar një informatë se më 13.07.2026 kishte ndodhur rasti i lartcekur. Rasti është duke u hetuar.”
Policia nuk ka dhënë detaje shtesë lidhur me rrethanat e rastit apo personat e përfshirë, ndërsa hetimet janë në vazhdim për të sqaruar plotësisht ngjarjen.
