Anëtari i Lidhjes Demokratike të Kosovës,Ilir Ferati ka thënë se nuk kanë pranuar ndonjë ftesë për takim të dytë nga kryetari i Lëvizjes Vetëvendosje, Albin Kurti, lidhur me diskutimet për formimin e institucioneve.
Ai ka thënë se për këtë parti në fokus është formimi i institucioneve.
LDK në fokus të agjendës e ka themelimin e institucioneve dhe po mendoj që kjo është tema kryesore për krejt palët në LDK dhe përgjigja që po presin gjithë qytetarët e Kosovës. Ende jo, s’ka ftesë”, ka thënë ai të martën në një deklarim për media, pas mbledhjes së kësaj partie.
Ferati ka folur edhe për nismën për shkarkimin e kryetarit të LDK-së, Lumir Abdixhiku.
Ai ka thënë se deri të hënën nuk është deponuar asnjë nënshkrim.
“Deri më tani nuk ka asnjë nënshkrim të deponuar, përndryshe në momentin që ka kërkesa, sigurisht që kanë mu trajtu me seriozitetin më të madh dhe kanë mu shqyrtua deri në realizimin përfundimtar që e plotësojnë numrin e shumicës. Deri tash nuk ka asnjë nënshkrim të deponuar”, ka thënë Ferati./teve1.info/
