Prokuroria Themelore në Pejë ka njoftuar se është ndaluar i dyshuari për plagosjen e që ka ndodhur mbrëmë në qytetin e Pejës.
I dyshuari B.K është ndaluar për 48-orë për shkak të dyshimit të bazuar se ka kryer veprën penale “Vrasja në tentativë”.
“Menjëherë pas pranimit të informatës për rastin, në vendin e ngjarjes kanë dalë Prokurori i Shtetit, njësitet relevante të Policisë së Kosovës dhe ekipet e forenzikës, të cilat kanë ndërmarrë të gjitha veprimet e nevojshme procedurale. Gjatë ekzaminimit të vendit të ngjarjes janë grumbulluar prova materiale që do të shërbejnë në zhvillimin e procedurës penale.Prokurori i Shtetit, brenda afatit ligjor, do të parashtrojë në Gjykatën kompetente kërkesën për caktimin e masës së paraburgimit ndaj të dyshuarit”, thuhet nga Prokuroria.
Prokuroria Themelore në Pejë njofton se, në koordinim të ngushtë me Policinë e Kosovës, janë duke u ndërmarrë të gjitha veprimet e nevojshme hetimore me qëllim të ndriçimit të plotë të rrethanave të këtij rasti dhe sigurimit të provave për zhvillimin e mëtejshëm të procedurës penale.
