Little Albania” është përfshirë në hartën zyrtare të enklavave të emigrantëve në New York, të publikuar nga qytei i Njo Jorkut, duke u renditur mes lagjeve që përfaqësojnë komunitete të ndryshme etnike dhe që kanë luajtur një rol të rëndësishëm në historinë dhe identitetin kulturor të metropolit amerikan.
Harta identifikon 30 zona në pesë bashkitë e qytetit, të njohura për përqendrimin historik të komuniteteve emigrante.
Mes tyre është edhe “Little Albania”, e vendosur në Bronks, ku prej dekadash jeton dhe zhvillon aktivitetin e saj një nga komunitetet më të mëdha shqiptare në qytet.
Megjithatë, publikimi i hartës ka nxitur reagime të shumta, pasi në të mungon “Little Italy”, një nga lagjet më ikonike të emigracionit italian në Shtetet e Bashkuara dhe një simbol i rëndësishëm i trashëgimisë historike e kulturore të qytetit.
Pavarësisht polemikave, “Little Albania” mbetet pjesë e hartës zyrtare, krahas enklavave të tjera të njohura si Koreatown, Chinatown, Little Ukraine, Little Guyana, Little Pakistan dhe Little Yemen.
