Një i mitur është arrestuar në Ferizaj, pasi dyshohet se ka sulmuar qytetarë në sheshin e qytetit.
Sipas raportit të Policisë së Kosovës, rasti është raportuar më 10 korrik rreth orës 07:50, në rrugën “Dëshmorët e Kombit”, ku është njoftuar se një person i panjohur po sulmonte qytetarët.
Pas reagimit të policisë, i dyshuari, një i mitur mashkull kosovar, është lokalizuar dhe arrestuar.
Me vendim të organeve kompetente, ai është dërguar në mbajtje, ndërsa rasti është duke u trajtuar nga Policia e Kosovës.
“Rr. Dëshmorët e Kombit, Ferizaj 10.07.2026, 07:50. Është raportuar se në sheshin e qytetit një person i panjohur është duke sulmuar qytetarët. I dyshuari i mitur mashkull kosovar, është arrestuar dhe dërguar në mbajtje”, thuhet në raport./teve1.info/
