Filharmonia e Kosovës, sonte nga ora 20:30 prezanton koncertin përmbyllës të sezonit artistik 2025/2026, i cili do të mbahet në sheshin “Skënderbeu” në Prishtinë.
Nën titullin “Americana”, ky koncert i veçantë i kushtohet muzikës amerikane dhe shënon 250-vjetorin e pavarësisë së Shteteve të Bashkuara të Amerikës.
Programi sjell një udhëtim të pasur përmes tingujve, ritmeve dhe ngjyrave të traditës muzikore amerikane, me vepra nga disa prej kompozitorëve më të shquar të saj, përfshirë Leonard Bernstein dhe George Gershëin, në një performancë nga Orkestra e Filharmonisë së Kosovës, nën dirigjimin e Toshio Yanagisaëa.
“Ejani sonte (9 korrik 2026) në Sheshin “Skënderbeu”, nga ora 20:30, për koncertin “Americana”, në nderim të 250-vjetorit të Pavarësisë së Shteteve të Bashkuara të Amerikës. Një mbrëmje me kryevepra të muzikës amerikane, nga George Gershëin te Leonard Bernstein, në një performancë plot energji nga Orkestra e Filharmonisë së Kosovës, nën dirigjimin e Toshio Yanagisawa”, shkruhet në njoftimin e Filharmonisë së Kosovës.
