Zëvendëskryeministri i Parë dhe ministri në detyrë i Punëve të Jashtme dhe Diasporës, Glauk Konjufca, ka pritur të mërkurën në takim lamtumirës ambasadorin e Belgjikës në Kosovë, Grégoire Cuvelier.
Gjatë takimit, Konjufca ka vlerësuar mbështetjen e vazhdueshme të Belgjikës për Kosovën dhe ka theksuar rëndësinë e thellimit të bashkëpunimit dypalësh, veçanërisht në fushat me interes të përbashkët dhe në kuadër të perspektivës evropiane të vendit.
Ai gjithashtu e ka falënderuar ambasadorin Cuvelier për angazhimin dhe kontributin e tij gjatë mandatit diplomatik në forcimin e marrëdhënieve ndërmjet Republikës së Kosovës dhe Mbretërisë së Belgjikës.
Në fund të takimit, sipas njoftimit zyrtar të Ministrisë së Punëve të Jashtme dhe Diasporës, Konjufca i ka uruar ambasadorit Cuvelier suksese në angazhimet e tij të ardhshme./teve1.info/
