Pesë automjete të tonazhit të rëndë janë përfshirë nga flakët në orët e para të mëngjesit në fshatin Shpërdhet, në Kurbin.
Rreth orës 02:30 të mëngjesit, shtetasi B. A. ka njoftuar se në guroren që ai administron dhe përdor, janë djegur pesë mjete pune, për të cilat dyshohet se zjarri është vënë qëllimisht nga persona ende të paidentifikuar.
Menjëherë pas njoftimit, në vendngjarje ka mbërritur grupi hetimor, i cili, nën drejtimin e Prokurorisë, po vijon punën për zbardhjen e plotë të rrethanave të ngjarjes, identifikimin e autorëve të mundshëm dhe dokumentimin ligjor të rastit. /rtsh.al
