Një zjarr i madh ka rënë në Shëngjin në mbrëmjen e së premtes.
Flakët po përhapen për shkak të erës së fortë që po fryn, ndërsa zjarrfikësit e kanë të vështirë të ndërhyjnë pranë vatrës për shkak të terrenit.
“Top Channel” raporton se aktualisht, në terren po punojnë pesë mjete zjarrfikëse.
Gjatë zjarrit pati edhe një shpërthim brenda vatrës, ndërsa dyshohet se një copë guri lëndoi një pasagjer me një veturë që po udhëtonte në drejtim të Shëngjinit.
I riu u transportua menjëherë në Spitalin e Lezhës për të marrë ndihmë mjekësore.
