Beka për Tëvë1 bëri të ditur se institucioni i IPK-së ka nevojë për burime shtesë njerëzore.
“E rëndësishme është se tani vërehet një bashkëpunim më i mirë me qytetarët dhe më i fuqishëm sesa që ka qenë më herët. Ndoshta në vitet e para qytetarët nuk kanë pasur aq shumë njohuri. Nuk është që IPK-ja nuk ballafaqohet me sfida, shembull ne mund ta marrim numrin e Burimeve Njerëzore, për të cilët IPK-ja ka nevojë për burime shtesë njerëzore. Aktualisht janë 96 zyrtarë duke përfshirë edhe zyrtarët e stafit civil”, tha ai në emisionin “Ditari”.
Ndërkaq, Beka shtoi se fushëveprimet e IPK-së janë dy kryesore, siç janë: Inspektimi, ku me ligj kanë të drejtë ta inspektojnë çdo fushë, si dhe pjesa tjetër, është pjesa e hetimit, që nënkupton pjesën e trajtimit të ankesave të qytetarëve./Tëvë1.info.
