Të premten ka diplomuar gjenerata e 2026-ës të kadetëve të Forcës së Sigurisë së Kosovës.
Për këtë, kryeministri në detyrë i Kosovës, Albin Kurti ka thënë se FSK-së iu shtuan 12 oficerë të rinj, të cilët kanë përfunduar me sukses rrugëtimin katërvjeçar të përgaditjes akademike.
Ai theksoi se sot është një ditë krenarie për shtetin, sepse në kazermën që mban emrin e kryekomandantit të UÇK-së, Adem Jashari, diplomuan disa nga udhëheqësit e ardhshëm të ushtrisë së Kosovës.
Madje, ai premtoi se për katër vitet e ardhshme do të investon 1 miliard euro.
“Krahas investimeve mbi 460 milionë euro për blerje armatimi, kemi dyfishuar numrin e ushtarëve, kemi katërfishuar trajtimet e mbi të gjitha kemi mbështetur shkollimin dhe edukimin e tyre. Për katër vjet, do të investojmë 1 miliard euro të tjera, do t’i kemi një mijë vajza e gra në ushtrinë tonë dhe do të kemi fabrikën e municioneve “Made in Kosova”, ka thënë Kurti./teve1.info/
