Skuadra e rikthyer në këtë edicion në elitën e futbollit kosovar, Feronikeli ’74 është duke bërë revolucion.
Ekipi nga Drenasi së fundmi ka njoftuar se e ka ndërprerë bashkëpunimin me 14-të futbollistë.
Arbios Thaqi, Arion Ymeri, Muhamed Llapashtica, Diellor Beseni, Endrit Kastrati, Samir Sadriu, Jon Qorri, Bejtë Rexhepi, Adonis Qorri, Arlind Krasniqi, Ardit Miftari, Januz Miftari, Abdeen Abdul dhe Mohamed Ibrahim Ngom janë kaur nga ekipi “verdhezi”.
Tre-herë kampionët e Kosovës i kanë falënderuar futbollistët në fjalë për kontributin e dhënë.
“Në emër të gjithë klubit, ju falënderojmë sinqerisht për profesionalizmin, përkushtimin dhe respektin që keni treguar gjatë gjithë kohës sa ishit pjesë e jona. Keni dhënë maksimumin në çdo stërvitje dhe në çdo ndeshje. Kontributi juaj do të vlerësohet gjithmonë dhe dyert tona do të jenë të hapura për secilin prej jush. Ju urojmë shëndet, suksese dhe sa më shumë arritje, si në aspektin profesional ashtu edhe në jetën personale. Faleminderit për çdo sakrificë, për çdo moment dhe për gjithçka që keni dhënë për këtë fanellë. Ju urojmë rrugëtim të mbarë dhe suksese në sfidat e reja”, shkruhet në njoftimin e klubit.
Krahas futbollistëve, “Nikli” e ka ndërruar edhe trajnerin javë më parë.
Vendin e Granit Begollit së fundmi e ka zënë Elion Berisha.
