E ngarkuara me Punë e Ambasadës së Shteteve të Bashkuara në Kosovë, Anu Prattipati, është nderuar nga Federata e Futbollit e Kosovës (FFK) me një fanellë të ekipit kombëtar të Kosovës me numrin 250, në shenjë të 250-vjetorit të pavarësisë së Shteteve të Bashkuara të Amerikës.
Ky gjest simbolik u vlerësua si një shprehje e miqësisë së fortë dhe partneritetit të qëndrueshëm ndërmjet Kosovës dhe Shteteve të Bashkuara.
Në një reagim pas ceremonisë, Prattipati falënderoi Federatën e Futbollit të Kosovës për nderimin, duke e cilësuar atë si një gjest domethënës që pasqyron lidhjet e ngushta mes dy vendeve.
“Faleminderit Federatës së Futbollit të Kosovës për këtë gjest domethënës dhe për festimin e miqësisë së qëndrueshme midis dy vendeve tona”, thuhet në mesazhin e tij./teve1.info/
