Kombëtarja e Portugalisë është në epërsi ndaj Uzbekistanit pas pjesës së parë në Kupën e Botës.
Pas 45 minutave lojë, Portugalia po avancon 3:0 në ndeshjen që i takon Grupit K dhe po zhvillohet në Houston.
Dy gola nga Cristiano Ronaldo dhe një tjetër nga Nuno Mendes, i kanë dhënë Portugalisë epërsinë komfore, e cila i dërgon drejt fitores së parë në Botëror.
Rezultati u zhbllokua në minutën e gjashtë kur Ronaldo realizoi pas asistimit të Joao Camcelos, ndërsa golin e dytë për Portugalinë e shënoi Nuno Mendes nga gjuajtja e lirë në minutën e 17-të.
Për 3:0 në pjesën e parë, shënoi Ronaldo në minutën e 39-të pas asistimit të Bruno Fernandesit.
Uzbekistani realizoi gol në minutën e 29-të, por që u anulua pas rishikimit të VAR-it për shkak të ndërhyrjes ndaj Cancelos.
