Zëvendëspresidenti i SHBA-së, JD Vance, ka dhënë një përditësim mbi zhvillimet e fundit në bisedimet midis Iranit dhe SHBA-së në Zvicër sot, duke thënë se është bërë “përparim i madh”.
Vance u tha gazetarëve se donte që, ndërsa “Irani ka qenë një nxitës i paqëndrueshmërisë rajonale”, ai të mund të shihte një të ardhme ku të gjithë “mund të punojnë së bashku për të promovuar paqen dhe prosperitetin”, citon Guardian.
Ai tha se presidenti amerikan, Donald Trump ishte i përkushtuar për të parë një armëpushim të plotë rajonal, por pranoi se armëpushimet janë “paksa të çrregullta”.
Ai shtoi se negociatat teknike mund të mos zgjidhin çdo mosmarrëveshje, por “na lejojnë të ulemi së bashku si ekipe për herë të parë në histori”.
“Përveç muajve të fundit, kurrë më parë udhëheqja iraniane dhe amerikane nuk janë takuar në një nivel kaq të lartë,” tha ai.
Vance theksoi se negociatorët amerikanë janë në Zvicër për të “transformuar Lindjen e Mesme, ku Irani dhe Gjiri kanë qenë në luftë me njëri-tjetrin”, përmes diplomacisë dhe punës së përbashkët.
