Kompania Rajonale e Ujësjellësit “Prishtina” u ka bërë thirrje qytetarëve që të tregojnë kujdes maksimal në shfrytëzimin e ujit të pijshëm, për shkak të rritjes së konsumit gjatë sezonit veror.
Kompania ka theksuar se përdorimi racional i ujit është i domosdoshëm për të garantuar furnizim të pandërprerë për të gjithë konsumatorët.
KRU “Prishtina” ka kërkuar nga qytetarët që të mos e përdorin ujin e pijshëm për ujitjen e oborreve dhe kopshteve, larjen e trotuareve dhe hapësirave të tjera, mbushjen e pishinave apo rezervuarëve privatë, si dhe të shmangin lënien e çezmave të hapura pa nevojë.
