Një rast grabitjeje është raportuar në orët e hershme të mëngjesit të së shtunës në një pikë karburanti në Prishtinë, në zonën e rrugës “Ramiz Cernica”.
Sipas informacioneve nga Policia e Kosovës, dy persona të maskuar kanë hyrë në objekt dhe kanë kërcënuar punonjësit me thikë, duke kërkuar paratë që ndodheshin në arkë.
Pas marrjes së shumës prej rreth 2,540 eurosh, të dyshuarit janë larguar nga vendi i ngjarjes në drejtim të panjohur. Punonjësit e pompës kanë njoftuar menjëherë policinë, e cila ka dalë në vendin e ngjarjes për të kryer veprimet e nevojshme hetimore.
Autoritetet kanë hapur rastin nën dyshimin për veprën penale “Grabitje”, ndërsa hetimet janë duke vazhduar me qëllim identifikimin dhe kapjen e personave të përfshirë në këtë ngjarje.
