Një aksident trafiku ka ndodhur gjatë së shtunës në fshatin Ozdrim të Pejës, ku janë përfshirë dy automjete dhe si pasojë dy persona kanë mbetur të lënduar.
Lajmin e ka konfirmuar zëdhënësi i Policisë së Kosovës, Driton Rugova, i cili bëri të ditur se të lënduarit janë transportuar për trajtim mjekësor.
“Sipas informacioneve fillestare, në aksident kanë qenë të përfshira dy vetura. Dy persona kanë pësuar lëndime trupore dhe janë dërguar për tretman në Spitalin e Përgjithshëm të Pejës”, deklaroi Rugova.
Autoritetet po hetojnë rrethanat që çuan deri te aksidenti. /teve1.info/
