Policia e Kosovës po heton një rast të personit të zhdukur në fshatin Slivovë të Ferizajt.
Sipas raportit policor, një grua ka raportuar se bashkëshorti i saj, 55 vjeç, është larguar nga shtëpia të premten mëngjes dhe që nga ajo kohë nuk dihet asgjë për vendndodhjen e tij.
Ankuesja ka deklaruar se bashkëshorti i saj ka probleme të shëndetit mendor dhe se edhe më herët ishte larguar nga shtëpia, por ishte kthyer pas një kohe. Këtë herë, sipas saj, ai ende nuk është gjetur.
Policia ka nisur hetimet dhe po ndërmerr veprimet e nevojshme për lokalizimin e personit të zhdukur.
“Fsh. Slivovë, Ferizaj 19.06.2026 – 08:30. Ankuesja femër kosovare, raporton se bashkëshorti i saj i moshës 55 vjeçare ka dalë nga shtëpia e tij dhe nuk dihet asgjë për fatin e tij. Sipas ankueses viktima është me të meta mentale dhe se i njëjti edhe më herët kishte dalë nga shtëpia, por ishte kthyer prapë, ndërsa kësaj radhe i njëjti nuk dihet se ku gjendet. Rasti nën hetime”, thuhet në raport./teve1.info/
