Kryetari i Partisë Demokratike të Kosovës, Bedri Hamza, ka pritur sot në takim ambasadorin e Gjermania në Kosova, Rainer Rudolph, me të cilin ka diskutuar për zhvillimet aktuale politike në vend dhe rëndësinë e funksionalizimit sa më të shpejtë të institucioneve.
Gjatë takimit, Hamza ka rikonfirmuar përkushtimin e PDK-së për stabilitet institucional, forcimin e demokracisë dhe avancimin e proceseve që, sipas tij, i shërbejnë interesit të qytetarëve dhe shtetit.
“Si Kryetar i PDK-së, rikonfirmova përkushtimin tonë për stabilitet institucional, forcimin e demokracisë dhe avancimin e proceseve që i shërbejnë interesit të qytetarëve dhe shtetit”, ka theksuar Hamza.
Ai ka shprehur gjithashtu mirënjohje për mbështetjen e vazhdueshme që Gjermania i ka dhënë Kosovës ndër vite, duke vlerësuar partneritetin dhe bashkëpunimin e ngushtë ndërmjet dy vendeve.
Takimi vjen në një periudhë të rëndësishme politike për Kosovën, kur çështja e funksionalizimit të institucioneve dhe vazhdimit të proceseve demokratike mbetet një nga prioritetet kryesore të skenës politike në vend./teve1.info/
