Policia e Kosovës ka nisur hetimet për vdekjen e një personi të enjten, i cili po vuante dënimin në Burgun e Dubravës.
Sipas raportit 24-orësh, i ndjeri fillimisht është dërguar në qendrën mjekësore të burgut, e më pas në Spitalin e Pejës, ku mjekët kanë konstatuar se ai kishte ndërruar jetë.
Me vendim të prokurorit, është iniciuar rasti dhe trupi i pajetë është dërguar në Institutin e Mjekësisë Ligjore për obduksion.
“Një mashkull kosovar, i cili ishte duke vuajtur dënimin në Burgun e Dubravës, është dërguar në qendrën mjekësore të burgut dhe më pas në Spitalin e Pejës, ku mjekët kanë konstatuar vdekjen e tij. Me vendim të prokurorit është iniciuar rasti dhe trupi i pajetë është dërguar në IML për obduksion”, thuhet në raportin e Policisë së Kosovës./teve1.info/
I burgosuri gjendet i vdekur në Qendrën Korrektuese të Dubravës, dyshohet për vetëvarje
