Kontrollet e intensifikuara të Doganës së Durrësit, në bashkëpunim me Policinë Kufitare, kanë çuar sot në sekuestrimin e një shume të konsiderueshme parash të padeklaruara.
Gjatë verifikimeve në hyrje të territorit shqiptar, ndaj një automjeti me targa britanike që vinte nga Anglia, u gjetën në çantën personale të drejtuesit 29,065 paund dhe 455 euro, të cilat nuk ishin deklaruar sipas rregullave doganore.
Autoritetet vendosën masë administrative për mosdeklarim, ndërsa rasti u referua për veprime të mëtejshme pranë strukturave kompetente./rtsh.al/
