Është ky nënkryetari i Listës Serbe, Milan Radojçiq. Ky u shfaq me një video-mesazh, që pretendoi se e bëri të martën në Leposaviq.
“Terrori i vërtetë kundër popullit tonë serb po fillon tani. Për popullin tim në veri dhe për të gjithë serbët, vetëm më lejoni t’u them, dhe atyre të tjerëve, unë jam këtu, jam kthyer dhe ju e dini se çfarë do të thotë sepse nga këtu nuk ka kthim prapa. Rroftë Serbia”, tha ai.
Radojçiq u vë në lëvizje, disa ditë pas vendimit të Qeverisë së Kosovës për targat.
E këtë çështje, kishte paralajmëruar përgjigje të ashpër, edhe vet presidenti serb, Aleksandër Vuçiq.
Por, çuditërisht, ky i fundit thotë se nuk e kuptoi mesazhin e Radojçiqit.
“Nuk më intereson se cili është mesazhi, pyesni atë se çfarë është. Ata thonë se ka bërë një foto në Leposaviq dhe ka thënë se është kthyer në Kosovë. Po, po, ai jeton në Kosovë, çfarë ka për t’u diskutuar këtu?”, ka thënë Radojçiq.
Ky nuk e ka pa si punë të madhe paraqitjen e Radojçiqit.
Por, ndryshe po e shohin organet e rendit në Kosovë.
Kjo pasi, ndaj Radojçiq, prokuroria Themelore në Ferizaj, ka thënë për Tëvë1, se ka një urdhër arrest aktiv.
“Referuar pyetjeve të parashtruara nga ana juaj, ju njoftojmë se ndaj Milan Radoiçiq, lidhur me rastin “Brezovica”, ka fletëarrest aktiv”m thuhet në përgjigje e Prokurorisë.
Me paraqitjen e Radojçiqit u morën gjatë ditës deputetët e partisë në pushtet.
E sipas avokatit, Yll Zekaj, kjo paraqitje e Radojçiq, duhet të ngre alarm tek institucionet e sigurisë në Kosovë.
Politikanët serbë në Kosovë si Rada Trajkoviq, e Miroslav Paroviq gjatë ditës për mediet serbe thanë që mesazhet e Radojçiqit paraqesin fatkeqësi për serbët nga Kosova.
Ndryshe, lideri i strukturave paralele në veri të vendit, Milan Radojçiq, dyshohet të jetë i përfshirë edhe në vrasjen e ish-politikanit serb, Oliver Ivanoviq.
Raporti i gazetarit Fidan Zejnullahu.
