Zëvendëskryeministri dhe Ministri i Punëve të Jashtme dhe Diasporës në detyrë, Glauk Konjufca, vizitoi sot për ngushëllime familjen Jashari, pas ndarjes nga jeta të ish-komandantit dhe bashkëthemeluesit të Ushtrisë Çlirimtare të Kosovës, Sahit Jashari.
Konjufca tha se Sahit Jashari është një nga luftetatët më të paepur për liri dhe njëri ndër themeluesit e Ushtrisë Çlirimtare.
“Sahit Jashari do të mbetet në kujtesën e kombit tonë si një nga luftëtarët më të paepur të lirisë. Si njëri prej themeluesve të UÇK-së, ai ka zënë vendin më të merituar në themelet e shtetit të Kosovës. I edukuar me dashurinë për kombin nga Nëna Salë dhe Baci Hamit, ai nuk kurseu asgjë për çlirimin e popullit tonë nga robëria. Lavdi Sahit Jasharit! Lavdi të gjithë dëshmorëve të kombit!”, shkroi Konjufca në nderim të Jasharit.
