Sipas tij, Bashkimi Evropian mund të ketë ndikim tek këto 5 vende për ta bërë hapin e madh ndaj Kosovës.
“Kosova nga 5 vendet e BE-së që nuk e kanë njohur ka përjetuar bllokadë të jashtëzakonshme. Kosova ka pasur shumë vështirësi në rrugëtimin e saj drejt integrimit evropian, pikërisht nga këto vende mosnjohëse. Zëri i Bashkimit Evropian do të ketë ndikimin e vet edhe te qeveritë e vendeve anëtare duke përfshirë këtu edhe ato 5 vende të BE-së”, tha Hoti në emisionin “Ditari”.
Gjithashtu, Hoti tha deputetët e Parlamentit Evropian kanë ndikim në vendet e tyre dhe se mund të ketë lëvizje pozitive në raport me Kosovën.
“Kosova është vend i cili ka dhënë gjak për të kontribuar në paqen e Ballkanit. Kemi 705 deputetë të Parlamentit Evropian të cilët kanë ndikime në partitë e tyre politike, nga regjionet prej nga vinë dhe nga shtetet prej nga vinë. Ata do e ngrenë zërin dhe te këto vende mosnjohëse që ta bëjnë hapin e madh në njohjen e pavarësisë së Kosovës”, deklaroi ai./teve1.info.
