Procesi i verifikimit dhe numërimit të votave në Qendrën Komunale të Numërimit në Prishtinë po vazhdon, ku deri më tani janë përpunuar 255 nga gjithsej 262 vendvotime në këtë komunë.
Zëdhënësi i Komisionit Qendror të Zgjedhjeve, Valmir Elezi ka thënë për tëvë1.info se në ndërrimin e dytë të ditës së sotme pritet të numërohen dhe verifikohen edhe 7 vendvotimet e mbetura në Prishtinë, duke shënuar përmbylljen e procesit në të gjitha 38 komunat e vendit.
Ai bëri të ditur se numërimi dhe verifikimi në nivel vendi ka arritur në 2,491 nga gjithsej 2,498 vendvotime, ose 99.71 për qind, duke u zhvilluar në të gjitha Qendrat Komunale të Numërimit që nga një ditë pas zgjedhjeve.
“Deri më tani (e shtunë, 13 qershor 2026, ora 16:00) procesi i verifikimit dhe numërimit është duke vazhduar në Qendrën Komunale të Numërimit në Prishtinë, ku janë proceduar 255 nga 262 vendvotimet e kësaj komune. Në ndërrimin e dytë të ditës së sotme, do të numërohen dhe verifikohen 7 vendvotimet e mbetura dhe në këtë mënyrë do të shënojnë përfundimin e procesit në të gjitha komunat, 38 sosh, i cili ka filluar një ditë pas ditës së zgjedhjeve. Numri i përgjithshëm i vendvotimeve të proceduara dhe që i takojnë të gjitha QKN-ve (38) është 2,491 nga 2,498 vendvotime apo 99.71%”, ka deklaruar Elezi./teve1.info/
