Në njoftim thuhet se ministri Sveçla e njoftoi drejtorin Rizzi për përkushtimin dhe angazhimet e ministrisë në luftën kundër krimit dhe korrupsionit, trafiqeve të ndryshme dhe kontrabandës, reformën në Ministri dhe në agjencitë e saj ekzekutive.
“Ministri i Punëve të Brendshme, Xhelal Sveçla, priti në takim zëvëndësdrejtorin e policisë së Italisë, Vittorio Rizzi dhe delegacionin e tij. Në këtë takim ministri Sveçla e njoftoi drejtorin Rizzi për përkushtimin dhe angazhimet e ministrisë në luftën kundër krimit dhe korrupsionit, trafiqeve të ndryshme dhe kontrabandës, reformën në Ministri dhe në agjencitë e saj ekzekutive”, thuhet në njoftim.
Gjithashtu bëhet e ditur se gjatë këtij takimi ministri Sveçla e ka falënderuar drejtorin Rizzi për mbështetjen e vazhdueshme të Italisë ndaj Kosovës, në veçanti bashkëpunimin mes dy policive.
Në anën tjetër Rizzi theksoi se shteti i tij është i interesuar që të avancojë tutje bashkëpunimin mes Policisë së Italisë dhe Policisë së Kosovës dhe të koordinojë veprime të përbashkëta, me theks të veçantë te ndërtimi i kapaciteteve në fushën e sigurisë mes dy vendeve.
Në njoftim thuhet se në fund të takimi të dy palët u dakorduan në intensifikimin e bashkëpunimit të mëtutjeshëm të policive tona, veçanërisht në fushat të cilat kërkojnë bashkëpunim ndërkombëtar për ofrimin e sigurisë në rajon dhe më gjerë./teve1.info./
