Një person ka humbur jetën si pasojë e lëndimeve të marra në një vetaksident trafiku që kishte ndodhur më 6 qershor në autostradën Mazgit–Fushë Kosovë.
Sipas raportit shtesë të Policisë së Kosovës, viktima, e cila po trajtohej në repartin e mjekimit intensiv në Qendrën Klinike Universitare të Kosovës (QKUK), ka ndërruar jetë më 12 qershor.
Aksidenti kishte ndodhur në kilometrin e 87-të të autostradës Mazgit–Fushë Kosovë, ndërsa rasti tashmë është cilësuar si aksident trafiku me fatalitet.
“Lidhur me rastin, viktima e cila ishte duke u trajtuar në repartin e mjekimit intensiv në QKUK, më 12.06.2026 ka ndërruar jetë”, thuhet në raportin e Policisë së Kosovës.
Me vendim të prokurorit, trupi i pajetë është dërguar në Institutin e Mjekësisë Ligjore për obduksion.
Autoritetet kompetente po vazhdojnë procedurat lidhur me rastin.
