Një person është arrestuar nga Policia e Kosovës në lidhje me një shpërthim që ka ndodhur më 9 qershor 2026 në fshatin Strellc i Epërm të Deçanit.
Sipas policisë, Stacioni Policor në Deçan kishte pranuar informacion për një shpërthim të fuqishëm në oborrin e shtëpisë së viktimës.
Menjëherë pas marrjes së informatës, zyrtarët policorë kanë dalë në vendin e ngjarjes dhe kanë nisur hetimet për zbardhjen e rastit.
Policia, në koordinim me Prokurorin e Shtetit, ka ndërmarrë veprimet e nevojshme hetimore, ndërsa pas një pune intensive të hetuesve të Sektorit Rajonal për Hetime, më 10 qershor 2026 është identifikuar dhe arrestuar i dyshuari për rastin.
Pas intervistimit në prani të avokatit mbrojtës, me vendim të prokurorit të shtetit, i dyshuari është ndaluar për 48 orë./teve1.info/
