Zëdhënësja e Gjykatës Speciale, Angela Griep, ka sqaruar juridiksionin që mbulon kjo gjykatë lidhur me krimet e pretenduara gjatë luftës së fundit në Kosovë.
Përmes një videoadresimi të publikuar në platformën “X”, Griep ka theksuar se Dhomat e Specializuara, me seli në Hagë nuk kanë mandat ekskluziv për të trajtuar çdo krim të ndodhur gjatë periudhës së luftës në Kosovë.
Sipas saj, një pjesë e krimeve janë gjykuar nga Tribunali Ndërkombëtar për Ish-Jugosllavi, ndërsa raste të tjera janë trajtuar nga gjykata të ndryshme vendore dhe ndërkombëtare.
Zëdhënësja ka sqaruar se Gjykatës i është dhënë një mandat specifik nga shteti i Kosovës dhe Bashkimi Evropian, duke vepruar në përputhje me këtë kompetencë të përcaktuar.
“Për çdo akuzë që është konfirmuar, gjykata do të sigurohet për gjykim të paanshëm, fer dhe të pavarur, ku të akuzuarit do të kenë të drejtat e tyre, dëshmitarët mbrohen dhe viktimat thonë fjalën e tyre”, ka deklaruar Griep.
Reflecting on the Specialist Chambers’ Mandate and Work
In this video, KSC Spokesperson Angela Griep explains why the Kosovo Specialist Chambers does not address all crimes committed during the conflict. pic.twitter.com/oNGlRAFga4
— Kosovo Specialist Chambers (@SpecialChambers) June 10, 2026
