Njësitet e Policisë së Kryeqytetit kanë arrestuar një person të kërkuar për veprën penale “Vrasje në tentativë” në kuadër të veprimeve operative dhe hetimore të vazhdueshme për lokalizimin e personave të kërkuar.
Sipas Drejtorisë së Policisë së Prishtinës, arrestimi është realizuar nga njësitet e Stacionit Policor Veriu.
I arrestuari është L.K., mashkull, 29 vjeç, i cili kishte një dënim prej 3 vjetësh burgimi për “Vrasje në tentativë”.
“Njësitet kompetente policore kanë ndërmarrë të gjitha procedurat e nevojshme ligjore lidhur me personin e arrestuar”, thuhet në njoftim./teve1.info/
