Blakaj në emisionin “Info Nata” theksoi se kjo çështje është dashur të parashtrohet në dialogun mes Kosovës dhe Serbisë.
“Ne asnjëherë nuk e kemi kuptuar pse nuk është bë një presion më i madh apo një kushtëzim nga pala kosovare që tema e të zhdukurve, por edhe e përgjegjësisë penale të atyre që kanë kryer krime në Kosovë nuk është parashtuar në dialog. Nuk është insistuar nuk është kushtëzuar në fund të ditës. Është e mundur që të kushtëzohet së pari t’i trajtojmë këto tema e pastaj edhe temat e tjera”, tha ai.
Teksa shtoi çështja e personave të zhdukur është çështja më e dhimbshme që është trashëguar nga periudha e pas luftës.
“Një ndër çështjet më të dhimbshme që është trashëguar nga periudha e pas luftës, është çështja e personave të zhdukur dhe është për keqardhje pse ende ne kërkojmë informata për mbi 1600 persona, pra që të zbardhet fati i këtyre personave”, tha Blakaj në Tëvë1.
