Lëvizja Vetëvendosje (LVV) ka ftuar qytetarët dhe përkrahësit e saj që sonte, në orën 23:00, të mblidhen në sheshin “Skënderbeu” në Prishtinë.
Përmes një postimi në faqen zyrtare në Facebook, LVV-ja ka njoftuar se në tubim do të marrë pjesë edhe kryeministri Albin Kurti.
“Të dashur qytetarë, shihemi sonte në ora 23:00 në Sheshin ‘Skënderbeu’ bashkë me Kryeministrin Albin Kurti. Krejt për shtet, shtet për krejt. Ia qitëm pikën edhe një herë”, thuhet në njoftimin e publikuar nga Lëvizja Vetëvendosje.
Ndryshe, sipas rezultateve preliminare të Komisionit Qendror të Zgjedhjeve (KQZ), VV-ja ka fituar mbi 43 për qind./teve1.info/
